ஃபிஷிங் என்பது உங்களை ஏமாற்றி உங்கள் கணக்குத் தகவல்களை (மின்னஞ்சல், தொலைபேசி எண் மற்றும்/அல்லது கடவுச்சொல்) பெறுவதற்கான முயற்சி.
ஃபிஷிங் முயற்சி வெற்றி பெற்றால், அது அடையாளத் திருட்டு மற்றும் நிதி இழப்பை ஏற்படுத்தலாம்.ஃபிஷிங் ஒரு வேண்டப்படாத அழைப்பாக நிகழலாம், அந்த அழைப்பில் பேசுபவர் உங்கள் கணக்குத் தகவலைக் கேட்பார். இது குறுஞ்செய்தி அல்லது மின்னஞ்சல் வழியாகவும் நிகழலாம், அதில் ஒரு போலி உள்நுழைவுப் பக்கத்திற்கு வழிவகுக்கும் இணைப்பு அல்லது லின்க் இருக்கக்கூடும்.
எக்காரணத்துக்காகவும் உங்கள் கடவுச்சொல்லை பிறருடன் பகிர்வதைத் தவிர்த்தால், உங்கள் Uber கணக்கை ஃபிஷிங்கிலிருந்து பாதுகாக்கலாம். நாங்கள் ஒருபோதும் உங்கள் கடவுச்சொல், SMS குறியீடு, வங்கித் தகவல் அல்லது டெபிட்/கிரெடிட் கார்டு தகவல்களை தொலைபேசி மூலமாகவோ மின்னஞ்சல் மூலமாகவோ கேட்க மாட்டோம்.
ஃபிஷிங் வலைத்தளங்கள் அச்சு அசலாக Uber இன் சட்டபூர்வமான வலைத்தளங்களைப் போலவே இருக்கும் வகையில் வடிவமைக்கப்படுகின்றன, அவற்றில் Uber போலவே தோன்றும் போலி உள்நுழைவுத் தளங்கள் இருக்கலாம். எனவே, உங்கள் பிரவுசரின் முகவரிப் பட்டியில் உள்ள URL https://uber.com அல்லது https://auth.uber.com/ என இருப்பதை உறுதிசெய்துவிட்டு, பிறகு உங்கள் Uber கடவுச்சொல்லை எவ்வொரு வலைத்தளத்திலும் உள்ளிடுவது சிறந்த பழக்கம்.